Степногорск қаласында жылу беру қалпына келтірілді

16.12.2023, 14:20 exclusive.kz

Степногорск қаласында жылу беру қалпына келтірілді. Бұл туралы қала әкімі Алпысбай Қайыржанов мәлімдеді, деп хабарлайды Exclusive.kz тілшісі.

– Жылу беру қалпына келтірілді. Болашақта мұндай жағдай болмайды деп үміттенейік. Бізде транзиттік құбырлар бар, оларды өзгерту керек. Бұл шамамен 19 км, жобалау-сметалық құжаттаманы аяқтаймыз. Кейін іске асыруға жолданады, – деді Қайыржанов.

Еске салайық, 8 желтоқсан күні Ақмола облысының Степногорск қаласында жылу трассасында апатты жағдай орын алды. Нәтижесінде бірнеше көпқабатты үйлерге жылу беру тоқтатылды. Облыс басшысы болса апат жақын арада жойылатынын айтқан еді.

Фото: Степногорск әкімдігінің баспасөз қызметі