Табиғатты қорғау қызметкерлерінің жалақысы өседі

18.07.2023, 15:59 exclusive.kz

Табиғатты қорғау мекемелері қызметкерлерінің жалақысы көтерілді. Биылғы 1 шілдеден бастап оған 100% үстемеақы қосылады, деп хабарлайды Exclusive.kz.

Үкімет президентке бұл салада еңбек жағдайын жақсарту жөніндегі тапсырмасын орындау аясында тиісті қаулы қабылдады. Құжатта адам өмірі мен денсаулығына қауіп төндіретін жұмыс үшін қосымша ақы белгілеу көзделген.

Осылайша, қызметкерлердің орташа жалақысы атқаратын қызметі мен жұмыс өтіліне байланысты 101 мыңнан 320 мың теңгеге дейін ұлғаяды.

Фото: Орман шаруашылығы және жануарлар дүниесі комитетінің баспасөз қызметі