Атырауда 8 жасар оқушы суға батып бара жатқан екі баланы құтқарып қалды

04.12.2022, 15:33 exclusive.kz

Атырауда 8 жасар оқушы суға батып бара жатқан екі баланы аман алып қалды. – 8 жасар оқушы Дінмұхаммед Жаңбырбай нағыз ерлік жасады. Жайық өзеніндегі жұқа мұз қауіпсіздік талаптарын сақтамайтын тұрғындарға қауіп төндіреді. 2008 және 2013 жылы туған екі бала мұзда ойнаған. Кенеттен мұз жарылып, балалар суға түсіп кеткен, – деп хабарлады облыстық полиция департаментінің баспасөз қызметі. Дінмұхаммед өз өмірін қатерге тігіп, батып бара жатқан балаларды мұздан шығаруға көмектескен. – Батып бара жатқандарын көріп, оларды құтқаруды ойладым. Өйткені ағыс қатты болды. Ойланбастан мұзды ойыққа қарай жүгірдім және оларға көмектестім. Оларды құтқару үшін қолымнан келгеннің бәрін істедім, – дейді 8 жастағы Дінмұхаммед. Полиция қызметкерлері балаларға көмек көрсетіп, оларды ата-аналарына аман-есен тапсырды. Фото: скриншот